Aðalfundur Akademíunnar var haldinn 7. nóvember s.l. Þar fóru fram venjuleg aðalfundarstörf svo sem:

Ritari las fundargerð síðasta fundar, formaður las skýrslu sína og gjaldkeri reikningana, sem fundurinn samþykkti.

Ein breyting var gerð á stjórninni, Gunnar Kvaran gaf ekki kost á sér í stöðu gjaldkera og voru honum þökkuð störf hans í þágu Akademíunnar á liðnum árum. Í hans stað var kosinn Gunnlaugur Þröstur Höskuldsson, Höfn í Hornafirði, og var hann boðinn velkominn til starfa.

Umræður urðu miklar undir liðnum önnur mál um námskrána sem væntanleg er fyrir harmóníku án tónbassa(melodibassa), það að hægt sé að ljúka námi á hana með miðprófi, og flokkun hennar með rytmiskum hljóðfærum.

Einnig var rætt um nauðsyn þess, að hvetja og leiðbeina harmóníkukennurum til kennslu klassísks harmóníkuleiks á harmóníku með tónbassa (konverter). Sótt hefur verið um styrk til þess verks hjá Menntamálaráðuneytinu, sem haft hefur góð orð um að veita hann.

Nýir félagar voru boðnir hjartanlega velkomnir í félagsskapinn. Ánægjulegt er að ungu harmóníkuleikararnir eru að skrá sig í félagið og vonandi að láta sem fyrst að sér kveða í starfi þess.

Rætt var um þann draum formannsins að koma upp landsliði ungra harmóníkuleikara sem mynduðu saman hljómsveit til þátttöku í hljómsveitamótum heima og erlendis.

Einnig var rætt um að skipuleggja tónleika fyrir þau ungmenni sem lokið hafa miðprófi, seinnipart vetrar. Stjórnin telur það mjög mikilvægt að efla kynni og samstöðu meðal ungra harmóníkuleikara.

Fyrirspurn kom inn á aðalfundinn frá stjórn S.Í. H.U. um hvort kennarar hefðu áhuga á að mæta með nemendur sína til keppni í harmóníkuleik. Umræða fór fram um það, en engin formleg afstaða tekin til þess.

Í von um að árið 2010 verði ár mikilla framfara í harmóníkuleiknum, og ár margra spennandi viðburða.

Stjórn Harmóníkuakademíunnar á Íslandi.

Guðmundur Samúelsson formaður Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. Þorláksgeisla 23, 113 Reykjavík.

Reynir Jónasson ritari Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. Akraseli 25, 109 Reykjavík.

Gunnlaugur Þröstur Höskuldsson gjaldkeri  Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. Miðtúni 16, 780 Höfn, Hornafirði.